Ins quinta d'avrir la Clinica Gut la fin da l'onn 2016. Ella porscha plaz a 25 fin 30 pazients ed è spezialisada sin ortopedia e chirurgia d'accidents (traumatologia).
Il directur da sanadad dal chantun Grischun, Christian Rathgeb, è satisfatg, sco quai ch'el ha ditg ad RTR. La Clinica Gut a Cuira resta, vegnia dentant probabel redimensiunada. Sco quai ch'ils responsabels han ditg, vegnan tschertas funcziuns exequidas en l'avegnir cunzunt a Fläsch.