Emprima badigliada per il center logistic da la Würth

Sin la fin da l'atun 2017 duai il center logistic esser a fin. Venderdi, ils 5 da favrer è stada l'emprima badigliada.

Emprima badigliada per il nov center logistic da la Würth a Landquart Bild in Lightbox öffnen.

Legenda da maletgs: Emprima badigliada per il nov center logistic RTR, S. Degonda

Vi dal bajetg existent duai dar ina nova partiziun d'entrada cun ina surfatscha da radund 2'100 meters quadrat. Latiers è planisà in magasin cuplettamain automatic cun plazza per radund 38'000 boxas. Il schlargiament custa radund 18 milliuns francs.

Il mument lavuran 35 collavuraturs en il center da logistica a Landquart. Il center furnescha material a tut las 400 societads affiliadas da la gruppa Würth sin l'entir mund. Quai èn radund 12'000 tonnas material ad onn.