L'onn passà ha il concern da chemia grischun fatg in gudogn net da 383 milliuns francs, quai èn bunamain 10% dapli che l'onn avant. Sco quai che la EMS Group scriva saja il cash-flow s'augmentà sin 439 milliuns francs.
L'augment dal resultat saja d'attribuir a dapli venditas sco era a lavur pli effizienta, scriva l'EMS Chemia. La svieuta munta a 1,9 milliardas francs, quai èn strusch 70 milliuns francs pli pauc ch'il 2014. Per l'onn current quinta il concern da pudair augmentar la svieuta ed il resultat da gestiun.
Bursa reagescha positiv
Il curs d'aczias da la EMS-Group è creschì l'avantmezdi per radund 4 %. Uschia han ils investiders onurà las cifras che la EMS chemia ha publitgà la damaun.
RR novitads 07:00