Ems Chemia: Bun cumenzament da l'onn da fatschenta 2017

La Gruppa Ems ha pudì augmentar la svieuta netta ils emprims trais mais per bunamain 6% sin 533 milliuns francs. La svieuta da l'emprim mez onn da fatschenta munta a 229 milliuns francs, in gudogn da 6.5%.

logo da l'Ems Chemia Bild in Lightbox öffnen.

Legenda da maletgs: L'Ems Chemia ha cumenzà bain l'onn da fatchenta 2017. Keystone

Sco quai che la Ems communitgescha è sa ralentà sco spetgà il svilup en ils martgads principals la China e l'Europa cumpareglià cun l'ultim quartal. Quai tranter auter perquai che la producziun d'autos novs saja sa reducida sin l'entir mund.

I saja dentant gartegià da realisar fatschentas novas en tuttas regiuns, en spezial en l'Asia, uschia scriva la Gruppa Ems vinavant. Perquai che las materias primas per ils products da l'Ems Chemia sajan cuntinuadamain stgartas, saja da quintar cun augments da pretschs per ils clients.

Per la setavla giada en roda «furnitur mundial da l'onn»

La Ems Chemia ha retschet la fin mars per la setavla giada en roda il premi da General Motors «furnitur mundial da l'onn». Il premi è stimà entaifer la branscha da l'industria d'automobil. La gruppa Ems ha survegnì quel sco partenari da svilup per soluziuns innovativas cun materials sintetics.

RR novitads 07:00