Siglir tar il cuntegn

Header

cuntegn

Ulteriur Grischun EMS Chemie fa marcantamain dapli gudogn

Durant l'emprim mez onn dal 2018 ha la gruppa EMS pudì augmentar il gudogn per 13,4% sin 260 milliuns francs.

La EMS Chemie ha publitgà il glindesdi las cifras definitivas per l'emprim mez onn. Tenor quellas ha la gruppa pudì realisar in augment dal gudogn da 13,4% sin 260 milliuns francs – cumpareglià cun la medema perioda da l'onn avant.

La svieuta è s'augmentada per 12,5% sin 1'199 milliuns francs. En il medem mument ha er l'agen chapital pudì vegnir augmentà. Quel munta actualmain a 1'821 milliuns francs e la quota da l'agen chapital a 77,5%.

Gia ils 13 da fanadur ha la EMS Chemie publitgà las cifras provisoricas per l'emprim mez onn dal 2018. Entant ha ella uss er communitgà las cifras definitivas ed il gudogn.

RR novitads 08:00

Artitgels legids il pli savens