Er sche la campagna na pretenda nagut da nov, è il president da la citad da Cuira Urs Marti segirs, che in rinfrestgament da las mesiras fa bain.
Il logo da la campagna ha si ina mascra da protecziun e quai aposta. Cun las mascras da protecziun vul la citad far attent la populaziun che la crisa n'è anc betg passada e che ins duai vinavant sa tegnair vi da las mesiras da distanza, igenia, protecziun e da restar a chasa.
Per che la campagna survegn avunda attenziun ha la citad da Cuira era lavurà ensemen cun la prominenza da Cuira. Tgi che quai è dentant, è anc ina surpraisa. Tiers èn mascras da protecziun cun il capricorn da Cuira en producziun e duessan esser uschè baud sco pussibel sil martgà.