Siglir tar il cuntegn

Header

Ina drona, equipada cun ina pitschna camera da film.
Legenda: Ina drona, equipada cun ina pitschna camera da film. Keystone
cuntegn

Ulteriur Grischun «En il mender cas stuain nus sajettar la drona giu da tschiel»

Dronas èn pitschnas, spertas e mintgin sa cumprar ina. Cun dronas fiss quai pussibel d’attatgar persunas ni objects durant il WEF. Sin quai nov privel han era ils responsabels per la segirtad al WEF reagì.

Durant il WEF vala in scumond da sgular per la regiun enturn Tavau. Quai scumond vala per objects pli pitschens sco dronas

Enfin uss mo intervenziuns tar dronas paschaivlas

Sco quai ch’il cumandant da la polizia chantunala grischuna Walter Schlegel conferma, hajan ins fin uss be gì cas paschaivels.

Uschia hai per exempel dà intervenziuns tar persunas che n’enconuschevan betg il scumond e vulevan far purtrets or da l’aria. En quellas situaziuns tschertgan ils policists lura il pilot e supplitgeschan el da puspè platgar la drona. Quai haja adina funcziuna, uschia il responsabel per la segirtad al WEF.

Privel è realistic

Suenter ch’insatge è capita, saja quai adina pli simpel da dir ch’insatge possia capitar, uschia Walter Schlegel. Uschia na saja quai betg difficil da fabritgar ord la drona ina bumba ni in’arma che schluppetta.

Per da quels cas ha la polizia dentant in sistem da radar che surveglia moviments en l’aria sur Tavau. Sche’ina drona vegniss memia damanaivel d’ina zona da segirtad, lura savess la polizia sco davos’opziun schizunt sajettar la drona giu da tschiel. Cun quai na fa il cumandant da la polizia chantunala grischuna e responsabel per la segirtad al WEF dentant betg quint. Ins fiss dentant preparà per in tal cas.

Artitgels legids il pli savens

Scrollar a sanestra Scrollar a dretga