Sco quai ch'il cusseglier naziunal e president da la PPS Grischuna, Heinz Brand, ha ditg ad RTR, era Nigg in bun ami e collega da partida. El haja fatg bler per sia vischnanca durant ses temp d'uffizi.
Nigg haja dentant era fatg bler per il chantun. Durant 21 onns è Nigg stà deputà dal Cussegl grond. Sco in dals paucs deputads ha Nigg era betg midà la partida cura che la PBD è vegnida fundada. Tenor Brand haja Nigg giudì la simpatia d'autras partidas era, perquai ch'el haja fatg politica sur ils cunfins da l'atgna partida.
(RR actualitad mezdi)