Siglir tar il cuntegn

Ulteriur Grischun Ernst Nigg, il president communal da Landquart è mort

Ina lunga carriera politica è ida a la fin la sonda. Ernst Nigg è mort surprendentamain en consequenza d' ina attatga dal tscharvè, in mais avon che ses temp d'uffizi sco president communal fiss ì a fin. Gia avant dus onns aveva el gia gì in'attatga, era dentant sa revegnì da quella.

Maletg nair ed alv dad Ernst Nigg, il president communal da Landquart. In um da 63 onns cun ina barba.
Legenda: Ernst Nigg, il president communal è mort en la vegliadetgna da 63 onns. mad

Sco quai ch'il cusseglier naziunal e president da la PPS Grischuna, Heinz Brand, ha ditg ad RTR, era Nigg in bun ami e collega da partida. El haja fatg bler per sia vischnanca durant ses temp d'uffizi.

Nigg haja dentant era fatg bler per il chantun. Durant 21 onns è Nigg stà deputà dal Cussegl grond. Sco in dals paucs deputads ha Nigg era betg midà la partida cura che la PBD è vegnida fundada. Tenor Brand haja Nigg giudì la simpatia d'autras partidas era, perquai ch'el haja fatg politica sur ils cunfins da l'atgna partida.

(RR actualitad mezdi)