La Clinica autalpina Tavau survegn ina nova scheffa a partir da l’october: Il cussegl da fundaziun ha elegì Evelyne Wirz Eberle sco successura da Georg Schäppi che daventa schef da l’Ospital universitar d’uffants da Turitg.
Evelyne Wirz Eberle ha 57 onns ed haja gronda experientscha en il management ed en la direcziun da diversas clinicas da reabilitaziun, scriva la clinica. Tranter auter è ella stada tar la clinica Hirslanden ed en la Höhenklinik Wald a Turitg. Ella ha tranter auter la scolaziun da CAS da management da finanzas e controlling da la Scol'auta da Son Gagl ed in MBA en direcziun d'interpresa. Medemamain ha ella diploms sco fisioterapeuta naturopata e massadra medicinala.
La Clinica autalpina Tavau è, sco els scrivan sez, ina da las clinicas da reabilitaziun dominantas en la Svizra. Quai en ils champs da la cardiologia, pneumologia, dermatologia, allegologia e psicosomatica per creschids, uffants e giuvenils. Diagnostica, perscrutaziun e terapia giajan maun en maun.
