Quella sto vegni programmada tenor il plazzal. Decisiv è surtut il temp da rumida. Quai è il temp che omaduas amplas mussan cotschen. A Tumein èn quai 55 secundas. Facturs per la durada èn la lunghezza dal plazzal, tge cuvrida che la via tras il plazzal ha e la pendenza.
Custa dapli
Durant ils temps cun fitg bler traffic, vegnan las amplas remplazzadas entras firmas da segirtad che dirigian il traffic a maun. Quai è pli flexibel ed effizient che la chazzola, i custa dentant era bler.
Magari en trais
Magari, cur ch’ins sa ch’i dat fitg bler traffic, è sper las 2 persunas da mintga vart dal plazzal, era anc ina sin la cruschada, nua la sortida ed entrada da la A13. Quella observa che la colonna tranter il plazzal e Rehanau na vegni betg memia datiers da la cruschada. Uschiglio pudessi stuppar il traffic.
