Siglir tar il cuntegn
Inhalt

Ulteriur Grischun Far attent a temas da persistenza cun «poetry slam»

Cun vers e rimas ha la Scola auta da tecnica ed economia HTW a Cuira lantschà in'emna da persistenza. Durant quell'emna duain divers temas en connex cun persistenza, clima u natira vegnir discutads.

Suenter in pled d'avertura da la presidenta dal cussegl communal da Cuira e manadra dal WWF Grischun, Anita Mazzetta, è l'emna da persistenza da la HTW vegnida averta cun poesias, rap e sgnoccas – e tut quai pachetà en poetry slam. Tschintg artists da poetry da tut la Svizra han preschentà lur patratgs en connex cun persistenza sin la tribuna dal Cuadro 22 a Cuira. Mintgin ha gì sis minutas per persvader il public.

Ils artists da poetry slam ch'èn sa preschentads a Cuira sa participeschan er uschiglio sin tribunas tar concurrenzas da poetry slam. Sin la tribuna dal Cuadro 22 èn Kay Wieoimmer, Sarah Altenaichinger, Tommy Trixa, Ladina Bösch ed Elia Schmitter sa preschentads.

Emna da persistenza

Davent dals 26 da favrer enfin ils 2 da mars organisescha la HTW ensemen cun la PHGR ina emna da persistenza. Durant questa emna datti diversas occurenzas che duain sensibilisar sin temas sco il clima, la natira u er la societad da sfarlattim.