La suprastanza communala è puspè cumpletta. Nov elegids èn Marco Cereghetti e Marco Sciamanna. Urs Holliger è vegnì reelegì sco suprastant communal. Quai ha la vischnanca annunzià oz.
Er ils posts en il cussegl scola e la cumissiun da gestiun ha Fürstenau pudì cumplettar. Reelegida è Raphaela Holliger (cussegl scola) e nov elegida Eva Buchli (cussegl scola). Plinavant èn vegnids reelegidas en la cumissiun da gestiun Karin Iseppi, Gabriela Marugg e Julius Eugster.