Siglir tar il cuntegn

Header

Atmosfera da festa a Cuira.
Legenda: Buna atmosfera da festa a Cuira. MAD, Comité d'organisaziun
cuntegn

Festa da Cuira 95'000 visitaders han festivà la fin d'emna passada

Davent venderdi fin dumengia han 95'000 visitaders fatg festa en la citad da Cuira. Durant trais dis è vegnì mangià, bavì e sautà a Cuira. Sin differents plazs hai dà concerts, ustarias, stans da magliar e baiver. Natiralmain n'ha era il program per ils pitschens betg manà.

Tants visitaders sco quest onn, ha il comité d'organisaziun dumbrà la davosa giada l'onn da record 2002. Gia l'avertura musicala cun la band «Les Hirondelles», il venderdi saira ha carmalà blers visitaders en il parc da la citad.

Precis uschia sco quest onn, duess la festa da Cuira adina esser. Nus essan fitg cuntents.
Autur: Ueli Caluoricumandant da la polizia da la citad da Cuira

Durant l'entira fin d'emna èn ils policists e las policistas stadas 72 giadas en acziun en la citad. Da quai sulettamain 26 giadas sin l'areal da festa.

Vendì memia paucs bindels

Il sulet che n'è betg ì uschia sco nus avessan gì gugent è la vendita dals bindels.
Autur: Andrea Thür-Suterpresidenta dal comité d'organisaziun

Quants bindels che sajan vegnids vendids durant la festa na sappian ins betg anc dir. Quai ord il motiv, ch'era las uniuns hajan vendì ils bindels vid lur stans. La cifra exacta datti en il decurs dals proxims dis. Tenor emprims resuns possian ins quintar cun var 8'500 bindels vendids. Quai che saja per il comité d'organisaziun ina trumpada. Las entradas dal bindel gidan il comité da cuvrir il custs.

Uschè blers visitaders sco gia dapi 17 onns betg pli.
Legenda: Uschè blers visitaders sco gia dapi 17 onns betg pli. MAD, Comité d'organisaziun

Ord l'archiv

Video
È la festa da Cuira segira?
Or da Nouvo RTR dals 18.08.2017.
laschar ir

RR actualitad 18:00