Pervi da las mesiras da corona dat la Festa da Cuira era quest onn en l’aua. Per avair avunda temp da preparar la festa sin il 2022, tschertga il comité d’organisaziun gia uss ina successura u in successur per Andrea Thür-Suter.
Sco il comité d’organisaziun scriva, quintan els per il temp suenter la pandemia cun grondas midadas per planisar e realisar la festa. I vegnia a duvrar novas ideas e concepts, per pudair organisar en il futur ina festa cun talas dimensiuns sco il «Churer Fest».
