Siglir tar il cuntegn

Header

Navigaziun

Blera glieud a la festa da Cuira
Legenda: 70'000 fin 80'000 persunas han visità ils ultims onns la festa da Cuira. RTR
cuntegn

Festa da Cuira El ha gì l'idea per la festa – er sch'el n'è betg da Cuira

El vuleva dar nova vita a la citad da Cuira. Oz guarda Kurt Benker gugent enavos sin il cumenzament da la pli gronda festa en il chantun Grischun.

Ensemen cun Franz Sepp Caluori da Panaduz haja el gì l'idea d'organisar ina festa a Cuira. Els hajan er ponderà davart ina fiera da Nadal, raquinta Kurt Benker. La fin finala sajan els dentant vegnids sin l'idea d'organisar ina festa en la citad.

Avant ch'igl ha dentant dà la festa da Cuira, hai dà durant dus onns la festa da la Via da la Posta. En la citad veglia devi numnadamain era anc autras festas da via.

Surlaschà nagut a la casualitad

Il 1989 hai dà per l'emprima giada la festa da Cuira sco quai ch'ins enconuscha ella oz. Gia da quel temp era la festa mez avust, avant che la scola cumenza:

Nus avain decidì da far la festa durant il mais d'avust, perquai che l'aura è lura la pli segira. Nus avain perfin laschà analisar quai.
Autur: Kurt Benkerin dals iniziants da l'emprima festa da Cuira

Sche Kurt Benker guarda enavos sin l'emprima ediziun da la festa da Cuira, sa regorda el oravant tut vid ina chaussa: «Igl era scumandà da metter si tendas.» Ins vuleva mussar als visitaders la bella citad veglia e quai n'avess betg funcziunà cun tendas dapertut.

RR actualitad 07:20