Siglir tar il cuntegn

Header

audio
Saira: Vin rumantsch da Malans – ma quant rumantsch è Malans
Or da Actualitad dals 20.09.2019.
abspielen. Laufzeit 02:56 Minuten.
cuntegn

Festa da vin a Malans Malans e ses fastizs rumantschs

Questa fin d’emna è la festa da vin a Malans. In vitg ch’è vegnì germanisà en il temp medieval. Dentant portan intgins vins nums rumantschs sco Poesia, Prezius u Armonia.

Il viticultur Ueli Liesch n'ha betg elegì nums rumantschs per cas. Rumantsch tunia melodius, saja part da nossa cultura e dettia ina classa ad il vin.

Ueli Liesch avant las vignas.
Legenda: Il viticultur Ueli Liesch chattà che rumantsch sa auda tar nossa cultura, schegea ch’el na discurra betg rumantsch. RTR, Ronja Muoth

Rumantschs a Malans

Stefan Lechmann e Victoria Brändli-Cabernard cun lur famiglias tutgan tar ils pacs che discurran rumantsch a Malans.

Nus Rumantschs s'adattain. Uschè spert ch’ils Tudestgs na chapeschan betg nus, discurrin nus simplamain tudestg, era sut Rumantschs.
Autur: Victoria Brändli-Cabernardfisioterapeuta
Victoria Brändli-Capeder avant las vignas.
Legenda: Victoria Brändli-Cabernard sa giavischass che la glieud a Malans giess spontan a baiver café. RTR, Ronja Muoth

Stefan Lechmann da Mustér sco era Victoria Brändli-Cabernard da Dardin, abiteschan dapi radund 20 onns a Malans. Els sa sentan da chasa qua, schegea ch’il vitg cun sur 2'300 abitants è in zichel insatge auter che la Surselva. A la fisioterapeuta manca la spontanitad che la glieud haja en las muntognas. Fertant ch’il giurist manegia che las massa uniuns ch’il vitg da las vignas porschia, tegnian ensemen ils abitants.

Stefan Lechmann èn ses biro.
Legenda: Stefan Lechmann chatta bleras cuminanzas tranter ses vitg nativ Mustér e Malans. RTR, Ronja Muoth

Er chant rumatnsch hai dà a la festa. Noss praticant Lucas Batista sa dapli.

RR actualitad 17:00