Ulteriur Grischun - Festival d’umor ad Arosa in success malgrà damain visitaders
En tut han 16’321 persuna visità il 26avel festival d’umor ad Arosa. Quai radund 1’900 bigliets pli pauc che l’onn passà. Il motiv principal saja la midada tar il sponsur principal. Lez haja dasper ses engaschament finanzial era adina envidà collavuraturs e blers clients a las occurrenzas.
La qualitad dal entir festival è gronda, scrivan ils organisaturs. Las bleras reacziuns dals osps mussia ch'els apprezieschian la purschida. La midada dal sponsur principal haja d'ina vart purtà damain entradas, tuttina possia il festival era quest onn preschentar in budget equilibrà. In punct che restia da sclerir saja daco ch'il festival na possia betg profitar d'in sustegn finanzial tras il chantun, scrivan ils responsabels.
Il proxim festival d'umor ad Arosa ha lieu ils sis da december fin ils 16 da december 2018.
