A partir da l'auter onn pon ins studegiar en il Grischun robotica mobila. Sco la scol’auta spezialisada FH Grischun ha communitgà veglian ins porscher a partir dal semester d’atun 2020 il nov studi davart robotica mobila. Igl è l’emprima giada ch'ina scol'auta en Svizra porscha in tal studi. Robotica survegnia adina dapli paisa en il temp modern ed ins veglia uschia resguardar pli fitg quest svilup, argumentescha la scol'auta.
In roboter è ina maschina che sa mova independent e che po far divers pensums. Ses moviments èn programmads. Savens mainan er sensurs tals moviments.
Roboters mobils n'èn betg liads ad in lieu ed èn capabels da sa muventar independent ed autonom. Las pli impurtantas cumponentas da tals roboters mobils è l'apparat motoric, ils sensurs, il sistem d'electronica e software e la finala il provediment d'energia.
Exempels da roboters mobils
- segapastget automatic
- dronas che mesiran las dimensiuns da glatschers
- sistems che gidan da charrar l'auto
RR novitads 15:00