Fieu en ardera da rument Trimmis

En l'ardera da rument GEVAG a Trimmis hai dà in incendi questa notg. Sco quai che la GEVAG communitgescha saja il fieu rut ora en in uschenumnà «bunker da rument». Per l'ambient e persunas na dettia nagin privel entras substanzas nuschaivlas han ditg ils responsabels ad RTR.

L'ardera da rument GEVAG a Trimmis nua ch'i ha brischà la notg. Bild in Lightbox öffnen.

Legenda da maletgs: L'ardera da rument GEVAG a Trimmis nua ch'i ha brischà la notg (maletg simbolic). RTR, Gian Carlo Candinas

La notg dals 2 da december enturn las 01:00 hai dà in incendi en l’ardera da rument GEVAG a Trimmis. Ils sistems d'alarm hajan funcziunà.

Ils 15 pumpiers da l’equipa Calanda hajan gì spertamain sut controlla il fieu che arda dentant anc adina. Perquai saja vinavant da vesair fim. En la vischinanza da l'implant po quai en consequenza er spizzar. Pervi dal fieu na saja oz betg pli pussaivel da furnir rument en l'implant.

La raschun per il brischament è fin uss nunclera, scriva la GEVAG. I n’haja dà naginas persunas blessadas, e per l’ambient da dettia quai nagin privel.

RR novitads 10:00