Il film «Wer sind wir?» vegn datiers a l'aspectatur, quai cun maletgs e szenas che muventan. Dentant èn ins plitost vegnids pli datiers dal mund enturn ils dus protagonists, pia da lur famiglias che dad els sez. Il film mussa tge sfidas ch'ina familgia cun in uffant impedì ha e cun tge malchapientschas e pregiudizis ch’ins ha da cumbatter.
Inclusiun ed integraziun
Helena abitescha en ina gruppa d’abitar e va las fins d’emna a chasa tar sia mamma. Ella sa ir a pe ed era communitgar il pli impurtant.
Jonas percunter, lez na sa betg seser persul, sa betg discurrer e mangiar. Ma el visita ina scola normala en ina classa cun uffants che han era impediments u che han uschiglio miseria en scola.
Quai è exact in exempel nua ch’integraziun ed inclusiun funcziuneschan fitg bain. Per ils geniturs da Jonas n'èsi betg stà simpel da chattar ina scola che porscha uschia insatge.
RR actualitad 12:00