Dus bungalows, fotogens e luxurius: ma betg sin las Maledivas, mabain en ils culms Grischuns. Sin il Lai da Pardnun sa nodan duas cullas da vaider. Ils cussadents èn ils dus bloghists Svizzers Valeria Mella ed Adrian Rüedi da la Bassa. 9 dis han els duvrà per bajegiar lur da chasa per il proxim mais. Ensemen cun Grischun Vacanzas ed auters partenaris han els realisà il project extravagant che duai far reclama per il Grischun.
Naginas vacanzas, mabain sururas
La finamira è clera: cuntanscher uschè bleras persunas sin las raits socialas sco pussaivel. Il video dals dus bloghists davart quella acziun ha gia cuntanschì varga 100'000 persunas. Durant il temp sin il Lai da Pardnun vulan ils bloghists producir anc pli blers videos, fotografias e texts. Ultra da quai retschaivan els ulteriurs bloghists da renum en il segund bungalow. Durant il di infurmeschan els las rotschas da turists che fan visita. Quellas lavurs van magari tochen tard viaden en la notg. La damaun sveglia lura la glisch dal sulegl il pèrin la bun'ura.
Luxus exagerà amez natira pura?
Damai ch'i na dat naginas vias tochen sisum il Lai da Pardnun, han ils bloghists stuì laschar sgular si il material cun helicopter. Il helicopter è dentant sgulads durant in di ch'el era gist sin viadi. Il bungalow ha WiFi per lavurar, letgs empernaivels ed electricitad. Tuttina, durant la notg possian las temperaturas crudar sin var 0 grads en «chasa» ed la puntina saja era schon schelada. Per las permissiuns per metter si ils iglus da vaider en quest lieu spezial, haja Grischun Vacanzas procurà. Cura ch'ils bloghists bandunan il Lai da Pardnun, vegnia tut allontanà e laschà enavos sco avant l'acziun.
RR sil punct 17:45