Siglir tar il cuntegn

Header

Video
L'influenza dal conflict tranter l'Iran e l'USA sin la segirezza al WEF
Or da Telesguard dals 07.01.2020.
laschar ir
cuntegn

Forum Mundial Economic Preparà per Trump e Co.

En duas emnas cumenza il Forum Mundial Economic a Tavau. Da la partida èn probablamain era delegaziuns da l'Iran e dals Stadis Unids. La relaziun tranter ils dus pajais è tendida. La Polizia chantunala, ch'è responsabla per la segirtad al WEF, è pronta per blers scenaris.

Il minister da l'exteriur da l'Iran vegn spetgà al WEF. Probabel vegn era Donald Trump ad esser da la partida. La Polizia chantunala fiss pronta per quest inscunter.

Las preparativas marschan bain. Noss concept da segirtad resguarda adina divers privels, independentamain da tgi che vegn a Tavau.
Autur: Roman Rüeggpledader Polizia chantunala

La polizia saja en stretg contact cun il servetsch d'infurmaziun da la Confederaziun. Sco ils ultims onns collavura la Polizia chantunala dal Grischun cun polizias d'auters chantuns, dal Principadi da Liechtenstein e cun l'armada.

Noss concept da segirtad datti dapi onns. Quel è sa cumprovà e nus essan preparads per divers scenaris.
Autur: Roman Rüeggpledader Polizia chantunala

La glista dad osps definitiva dal Forum Mundial Economic vegn publitgada proxim mardi. Il WEF cumenza ils 21 da schaner e cuzza enfin ils 24 da schaner.

RTR actualitad 17:00