Siglir tar il cuntegn

Header

cuntegn

Ulteriur Grischun Gallaria sballunada en in hotel ad Arosa

Vers las diesch il mardi saira è sballunada tuttenina la punt da laina tranter duas parts dal bajetg. La punt collia la part cun la recepziun dal hotel e la terrassa dal bajetg lateral. Quai communitgescha la polizia chantunala.

carta geografica d'Arosa
Legenda: Tenor la polizia è la colliaziun da laina dal hotel Metropol sballunada. mad

Curt avant las 22:00 eran 5 persunas sin la punt cura ch'ina trav da laina è tuttina rutta. Las tschintg persunas èn crudadas radund 3,5 meters sin ina platta da betun. Ina persuna è vegnida blessada mezgrev. La REGA ha sgulà ella en l'ospital. 3 persunas cun blessuras levas èn vegnidas charradas cun ambulanzas en l'ospital ed ina persuna ha pudì vegnir tractada en il lieu. Il motiv da l'accident è fitg probabel ina trav da laina marscha

RR novitads 8:30

Artitgels legids il pli savens