Siglir tar il cuntegn
Inhalt

Ulteriur Grischun Giuvaulta: Pumpiers impedeschan incendi da guaud

A Rothenbrunnen han ils pumpiers pudì evitar il mardi in incendi da guaud pli grond. Els èn vegnids da stizzar il fieu avant che las flommas dad ina camiunetta han cumenzà a sa derasar.

vista sin la camiunetta che ha piglià fieu
Legenda: Daco che la camiunetta ha piglià fieu n'è anc betg cler. POCHA

La camiunetta che vegniva da Veulden (Feldis) era curt avant l'entrada da l'autostrada a Giuvaulta (Rothenbrunnen) cura ch'il manischunz e ses passagier han remartgà las flommas sin la punt da lur vehichel. Els han tegnì airi a l'ur da la via e prendì giu da la punt ina resgia motor ed ina buttiglia da gas. Il chartun catramà (Dachpappe) brischava gia.

Cura ch'ils pumpiers da Tusaun e la Tumleastga èn stads sin il plaz aveva il fieu gia cuntanschì il guaud. Ils 30 pumpiers han però pudì franar quel ad uras. Durant la notg han els surveglià il lieu d'incendi.

RR novitads 11:00