La Polizia chantunala ha survegnì la gievgia suenter las sis pliras annunzias ch’i brischia sin l’areal da scola Tuma Platta. Cura ch’ils pumpiers èn arrivads, brischavan duas mattas da gimnastica ed il pastget dasperas.
La polizia ha lura chattà ora che plirs giuvenils eran stads sin l’areal. In da quels, in giuvenil da 17 onns aveva dà fieu ad ina da las mattas da gimnastica. Adumbatten hajan ils giuvenils lura anc empruvà da stizzar il fieu, scriva la Polizia chantunala.
RR novitads 15:00