Siglir tar il cuntegn

Header

Ils dus bajetgs dal project Capricorn che duain remplazzar il bajetg da l'anteriur Globus.
Legenda: Inoltrà dumonda da bajegiar per il project Capricorn. MAD
cuntegn

Ulteriur Grischun Globus vegn remplazzà cun butias, biros ed abitaziuns

La AXA Winterthur e la Foppa Finanzas SA han inoltrà ina dumonda da realisar a la staziun da Cuira il project Capricorn. Quel duai remplazzar il bajetg dal Globus.

Las duas interpresas communitgeschan ch'ellas sajan in pass vinavant. Ellas han suttascrit ils cuntracts e las cunvegnas necessarias ils 22 da december. L'AXA Winterthur prevesa d'investir radund 40 milliuns francs en il bajetg e la Foppa Finanzas passa 5 milliuns. Ils biros d'architectura Priora SA e Giubbini Architekten duain esser responsabels per la realisaziun.

En il plaunterren dal bajetg duai quai dar stizuns, amez biros e sura abitaziuns. Sche tut va tenor plan duai il bajetg vegnir avert l'atun 2019. Il bajetg vegl duai vegnir stgarpà giu il matg 2017.

audio
AXA Winterthur e Foppa Finanzas SA han inoltrà dumonda da bajegiar
01:09 min, RTR Audio dals 23.12.2016.
laschar ir. Durada: 01:09 minutas.

Cun la dumonda da bajegiar communabla va ina lunga dispita tranter la Foppa Finanzas SA e l'AXA Winterthur a fin. Las duas fatschentas n'èn ditg betg sa cunvegnidas pertutgant distanzas, dretgs da vischins e pretensiuns da la citad.

RR novitads 10:00

Artitgels legids il pli savens

Scrollar a sanestra Scrollar a dretga