Grüsch-Danusa: Obstachel per vitg da Heidi

Il project d'in vitg da Heidi a Grüsch-Danusa è il mument spustà. Il motiv èn obstachels cun plans da zonas ed auters projects dal territori da skis.

Cartas da Heidi Bild in Lightbox öffnen.

Legenda da maletgs: Il mument nagin vitg da Heidi: Pervi da divers obstachels ed auters projects ston ils plans per in vitg da Heidi spetgar. Keystone

Gia il 2007 è naschida l'idea per in vitg da Heidi a Grüsch-Danusa en cooperaziun cun il vitg da Heidi a Maiavilla. Dasper la staziun da val dal territori da skis era planisada ina halla, che mussa il mund da Heidi en ina furma visualisada. Tar la staziun sura era planisà il mund da Heidi preschentà en la natira.

Ch'il project n'è betg vegni realisà, stat en connex cun in toc terren da guaud, che n’ha betg pudì vegnir surbajegià. Entant pudeva quest toc vegnir cumprà, ma damai che Flumserberg è era vi da realisar in vitg da Heidi, sto il project vegnir reponderà.

Cura e schebain ils da Grüsch-Danusa cuntinueschan cun il project n'è anc betg cler. Il mument èn els vi dad auters projects sco ina nova sutgera e l'indriz per ennavar la cursa a val. Enfin ch'il vitg da Heidi a Grüsch survegn nov schlantsch po quai durar anc divers onns.