Siglir tar il cuntegn

Header

Navigaziun

Maun d'in um velg cun busta da votaziun e davostiers la chasa communala da Grüsch.
Legenda: La radunanza communala da Grüsch ha approvà il quint dal consorzi da scola e concedì divers credits. Keystone
cuntegn

Ulteriur Grischun Grüsch sanescha vias e la scola

Las votantas ed ils votants da Grüsch han approvà il mardi saira unanimamain trais credits:

  • Per sanar la via da Pendla han ils da Grüsch decidì in credit da 160'000 francs.
  • Il segund credit pertutga la sanaziun da la via forestala e d'alp Ludera. Ils custs totals per sanar questa via muntan a stgars 1,3 milliuns francs. Chantun e Confederaziun ensemen surpiglian 77% da quests custs e las lavurs vegnan fatgas en 7 etappas.
  • Per sanar il tetg da la scola e sala polivalenta Plagaur Fanas, han ils da Grüsch approvà in credit da 270'000 francs.

Ultra da quai ha il suveran da Grüsch ditg unanimamain Gea al quint dal consorzi da scola Grüsch-Seewis. Quel serra meglier che spetgà: Var 4,2 milliuns francs ston las duas vischnancas Grüsch e Seewis surpigliar ensemen – quai èn 300'000 pli pauc che budgetà.

RR novitads 15:00