Siglir tar il cuntegn

Header

cuntegn

Gruppa da salamuira da Panaduz Schuhmacher: «Ins sto chalar cura ch’igl è il pli bel»

Suenter 12 onns far salamuiras èsi avunda per René Schuhmacher e ses collegas da la gruppa indigena «La vache qui rit» – che avevan avant num per 2 onns «Stichsaga».

Cun 21 onns ha René Schuhmacher l’emprima giada prendì part ad ina saira da salamuiras. Quai però mo per gidar ora in onn. 30 onns pli tard l'ha in bun ami dumandà, sch’el n’avessia betg gust da vegnir en sia gruppa «Stichsaga». El dovria dus novs partenaris.

Igl è adina stà in bel temp – Igl era gea temp liber.
Autur: René SchuhmacherGruppa da salamuiras «La vache qui rit»

In nov num

Suenter 2 onns sco «Stichsaga» haja la nova furmaziun schont pensà ch’i fiss temp per in nov num. Durant in’emprova saja quai schabegià per casualitad. Els hajan mangià in chaschiel «vache qui rit» e lura vegnids sin l’idea ch’els pudessan avair num uschia. E René Schuhmacher agiunta che sia dunna ha il medem di anc ditg ch’el haja vis in cool costum da vatgas en ina stizun.

E dapi lura èn els sa preschentads sur 10 onns sco «La vache qui rit» en costums da vatgas.

Chalar – ma cun encreschadetgna

Suenter tants onns, 92 salamuiras cun 31 differentas melodias e cun la vegliadetgna saja quia temp da chalar, manegia René Schuhmacher (58 onns). E schegea che la saira da salamuiras tschertgass anc ina gruppa indigena, saja quai mai stà tema per el dad anc pender vidlonder 1 onn.

Els hajan l’onn vargà fatg lur turnea da cumià cun ils highlights dals davos 12 onns.

RTR actualitad 11:00

Artitgels legids il pli savens

Scrollar a sanestra Scrollar a dretga