Ils emprims nov mais da l'onn ha la gruppa EMS plinavant vendì 6% dapli che avant in onn. Surtut en ils segments principals - chemicalias spezialas e polimers d'auta prestaziun - è l’interpresa creschida surproporziunalmain, scriva la gruppa EMS.
Malsegirtad en l'Europa - bunas fatschentas en China
Il terz quartal saja cunzunt en l'Europa stà influenzà da malsegirtads enturn il Brexit ed attatgas da terror. Er malsegirtads enturn las elecziuns per il presidi en ils Stadis Unids hajan influenzà negativamain las fatschentas. In consum positiv constat saja percunter da constatar en la China ed en l'India.
Per l’entir onn 2016 quinta la gruppa EMS cun lev dapli svieuta ed in lev pli aut gudogn che anc il 2015.
RR novitads 06:30