Siglir tar il cuntegn

Header

cuntegn

Guaud e selvaschina Gronds donns dal guaud da protecziun en il Signuradi e Partenz

Il chantun Grischun sto agir urgentamain per ch’il guaud da protecziun en il Signuradi ed il Partenz po sa regiuvinar ed er en il futur ademplir sia funcziun.

Ils donns da la selvaschina èn numnadamain gronds ed èn s’augmentads marcantamain ils ultims onns. Quai mussa il rapport da guaud e selvaschina da la regiun dal 2019 ch’il chantun ha preschentà oz a la publicitad.

audio
Guaud e selvaschina: gronds donns vid guaud en Signuradi e Partenz
03:52 min, Sport ed actualitad dals 03.07.2021.
laschar ir. Durada: 03:52 minutas.

Dubel uschè blera surfatscha periclitada

Prest 60% da la surfatscha dal guaud da protecziun en il Signuradi ed il Partenz taxescha il chantun da nov sco «surfatscha problematica». Raschun èn ils donns che tschiervs, chavriels e chamutschs fan. Quai è dubel uschè bler sco quai ch'ins aveva anc constatà en l'ultim rapport il 2006. Ils problems èn per il chantun per part uschè urgents, ch'el sto en la mesadad da tut quellas surfatschas, schizunt pigliar mesiras prioritaras.

purtret da plantinas setgas cun mors giu la scorsa.
Legenda: Donn da scursar entras selvaschina en in guaud da lareschs a Luzein. MAD, Burtel Juon (or dal rapport da guaud parzial dal Signuradi e Partenz)

Mesiras da protecziun

Tut tenor lieu sa differenzieschian quellas mesiras in zic ina da l'autra. Da principi vul il chantun dentant meglierar la situaziun cun cumbinar mesiras forestalas, mesiras da chatscha e quellas ch'influenzeschan il spazi da viver. Uschia vul el per exempel far dapli saivs da protecziun, tegnair vinavant aut il dumber da tschiervs che duain vegnir sajettads per onn u era evitar ils disturbis dal carstgaun curt avant u durant la chatscha.

Tge che tut questas mesiras portan la fin finala e sch'ellas ston anc vegnir adattadas, vegn il chantun a controllar il pli tard en trais onns.

video
Il guaud en Partenz e Signuradi patescha ferm entras selvaschina
Or da sil punct dals 02.07.2021.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga