Cun paucas, trumbettas, posaunas e bler sminca han las guggas preschentà la fin d'emna a Cuira, tge ch'ellas san. Surtut puncto intensitad dal tun han tuttas dà tut. Areguard la musica sezza datti dentant grondas differenzas. Ils ins sunan plain energia ed ils tuns èn pli u main tar tuts ils medems. Tar auters n'avess forsa ina prova dapli betg fatg donn.
Tge ch'unescha tuttas: i va per il plaschair:
Plaschair – quai è tschaiver! Nus n'essan betg in orchester. Schi dat tuns faus, na gioga quai betg ina gronda rolla.
Ina citad en fevra da tschaiver
23'000 persunas han fatg part al tschaiver. Cun quai èn quest onn bunamain 4'000 aspectaturas ed aspectaturs dapli stads da la partida che l'onn passà. Durant il til n'hai dat nagins incaps, uschè la polizia da la citad da Cuira. Il concept da segirezza haja funcziunà bain. Suenter il til han ils servetschs communals da la citad directamain cumenzà a rumir si ils confettis ed il rument da las vias e plazzas da Cuira.
Era sur notg esi restà per gronda part quiet. Ina clicca vuleva dentant dar fieu in «Böögg» fatg sezs. La polizia han lura stizzà il fieu. Ina giada stueva la polizia agir pervi d'ina persuna sturna.
RR actualitad 08:00
