Siglir tar il cuntegn

Header

Navigaziun

cuntegn

Ulteriur Grischun Haldenstein introducescha plazza da vitg digitala

Plazzas da vitg digitalas daventan pli e pli popularas en il Grischun. Suenter Zernez e Surses ha uss er Haldenstein decidì d'introducir la plazza da vitg digitala per uschia activar e far pli attractiva la convivenza.

Haldenstein.
Legenda: Haldenstein ha introducì la plazza dal vitg digitala. RTR, Hugo Schär

Sco quai che Haldenstein communitgescha, duai la plattafurma electronica simplifitgar la communicaziun aifer la vischnanca, en gruppas d'uniuns, d'instituziuns u er mastergns ed er tranter abitantas ed abitants.

La plattafurma da la plazza da vitg digital

La plazza da vitg digitala è ina plattafurma sociala. Ella duai simplifitgar l'engaschament e la participaziun en las vischnancas. L'utilisaziun simpla pussibilitescha da rinforzar la convivenza tranter abitantas ed abitants.

Ils utilisaders animeschan la plattafurma cun crear gruppas avertas u serradas. Uschia pon vegnir communitgadas infurmaziuns u ins po far avis sin occurenzas. Ils abitants pon cumenzar ina discussiun relevanta localmain u far enquistas.

En l'entira Svizra fan fin uss part radund 20 vischnancas a la plattafurma electronica dal startup svizzer Crossiety.

RR novitads 10:00