Siglir tar il cuntegn

Header

Hanspeter Hunger, il candidat da la PPS per il sez en il Cussegl da la citad da Cuira
Legenda: Hanspeter Hunger, il candidat da la PPS per il sez en il Cussegl da la citad da Cuira mad
cuntegn

Ulteriur Grischun Hanspeter Hunger empe da Beath Nay

Atgnamain valeva Beath Nay sco candidat pussaivel per il sez en il cussegl da Cuira. Pervi da disfamaziuns è el dentant sa retratg sco president da la PPS da Cuira. Uss ha la radunanza da la PPS da Cuira decidì unanimamain la nominaziun da Hanspeter Hunger.

Hanspeter Hunger ha 42 onns ed è il mument rectur da la scola da tscherna da professiun ad Uster. Politicamain è Hunger commember dal Cussegl da la scola da la scola professiunala artisanala a Cuira. Ultra da quai è el dapi l'onn 2013 substitut en la cumissiun da gestiun.

Beath Nay ha bandunà la partida

Beath Nay n'era betg mo sa retratg sco president da la PPS da Cuira, el era insumma extrà da la partida. La raschun per quest pass sajan disfamaziuns davart sia vita privata. I aveva dà tschantschas en connex cun ina supposiziun d'ina procedura penala pervi da violenza a chasa. Nay vul dentant restar commember dal Cussegl communal da la citad sco er dal Cussegl grond.

Elecziuns il zercladur

Ils 5 da zercladur èn las elecziuns dal cussegl da la citad da Cuira. Dasper Hunger candideschan enfin ussa Patrik Degiacomi da la PS, Peter Portmann da la PCD e Marco Tscholl da la PBD per quest uffizi.

RR novitads 6:30

Artitgels legids il pli savens

Scrollar a sanestra Scrollar a dretga