A la radunanza communala da mesemna saira han ils da Malans elegì Harri Kunz sco nov commember da la suprastanza communala. El succeda a Carlo Rainolter che ha demissiunà sin la fin da matg.
Ultra da quai ha la radunanza communala da Malans decidì da dar in credit da 250'000 francs per projectar la sanaziun ed adattaziun da la chasa da scola primara Eschergut. La chasa Escher sin l'areal da la chasa da scola, duai vegnir sanada dal tut. Sper ina abitaziun, duain las structuras dal di, l'administraziun da la scola e la scola da musica vegnir en la chasa. Il spazi che vegn uschia liber en la chasa da scola Eschergut, duai vegnir funcziunà enturn en stanzas da gruppa.
RR novitads 14:00