Tut en tut èn vegnids inoltrads 52 projects. Da quels eran 41 projects lura valabels. 11 projects n'han betg ademplì las cundiziuns da basa. E da quels projects valabels ha il cussegl da la citad tschernì las trais meglras propostas. Tar ils finalists sa tracti dals suandants projects:
- «Chasa dals chors» che vul posiziunar Cuira sco citad dal chant
- «Forum Arcas» che vul crear in center per architectura, creaziun e plaschairs
- «Zapperlot» che vul promover la cultura dals uffants e la giuventetgna ed organisar la convivenza tranter las generaziuns.
Cunquai ch'il project Zapperlot vul be nizzegiar l'etascha sura dal bajetg pudess quel vegnir cumbinà cun ils dus ulteriurs projects.
Co vinavant
Sco proxim decida il cussegl da la citad da Cuira lura davart la realisabladad e finanziaziun dals projects sco era davart il niz public. Ils auturs dals projects che han gudagnà la concurrenza vegnan activamain integrads en quest process.
RR novitads 06:00
