Siglir tar il cuntegn

Header

cuntegn

Ulteriur Grischun «Haus zum Arcas» ha retard

Las lavurs per reutilisar la chasa istorica han stuì vegnir spustadas.

Il bajetg istoric «Haus zum Arcas» en la citad veglia da Cuira resta probabel anc pli ditg vid. Quai pervia da las novas prescripziuns da construcziun e custs pli auts, sco quai che la gasetta «Südoschweiz» rapporta. Las investiziuns muntian a tranter 2,5 fin 3 milliuns francs, schazegia il president da la citad, Urs Marti, sin dumonda da la gasetta.

Sco emprim sto il parlament sa fatschentar cun la reutilisaziun, e prender si en il budget ils custs da fin trais milliuns francs. Tut tenor ha schizunt il pievel l'ultim pled. Quai tar ina dumonda da credit da trais milliuns francs u dapli.

Ils iniziants dal project ston uschia avair pazienza. Fin qua era la biblioteca da la citad en il bajetg. La biblioteca sa chatta da nov en l'anteriur bajetg da la Posta Svizra.

La primavaira aveva il cussegl da la citad da Cuira tschernì las trais meglras ideas per il diever futur dal «Haus zum Arcas».

RR novitads 06:00

Artitgels legids il pli savens