Siglir tar il cuntegn

Header

cuntegn

Ulteriur Grischun Higa vegn pli baud

L'exposiziun tradiziunala a Cuira ha per l'emprima giada lieu ils 17 fin ils 24 da mars e betg pli il matg sur Ascensiun. Quai han ils organisaturs communitgà.

La midada saja necessaria, perquai che autras messas han lieu il medem temp e pervia da las relaziuns climaticas il matg, scrivan ils organisaturs. I na saja però betg stà ina simpla decisiun da renunziar al termin tradiziunal ed enconuschent sur Ascensiun.

Ils organisaturs èn dentant persvadids ch'il nov termin porscha er dapli potenzial per visitaders. Sco ch'els scrivan planiseschian adina pli blers vacanzas curtas sur Ascensiun. Il mars sajan percunter blers indigens sco er blers giasts e lavurants da stagiun en las regiuns turisticas.

Avantatg per las pendicularas Brambrüesch

Cun la midada dal cumenzament da la Higa pon uss era las pendicularas Brambrüesch cumenzar cun la stagiun da stad gia da Pasca. Quai è in grond avantatg per las pendicularas. Fin uss stuevan ellas numnadamain interrumper la stagiun da stad per bun sis emnas pervi da las lavurs da preparaziun per la Higa. L'exposiziun resta er cun la midada da termin vinavant sin l'areal da la Stadthalle.

RR novitads 11:30

Artitgels legids il pli savens