Tenor ina notizia da mutaziun en il fegl uffizial dal chantun surpiglia la Priora Suisse las activas e passivas da la «7132 SA» a Val. L’hotel a Val ha daivets, sco las cifras publitgadas demussan: Las activas (agen chapital) muntian a 109’819’054 francs, las passivas (chapital ester) a 153’696’207 francs.
Remo Stoffel ha fatg a savair ch’el veglia stgaffir structuras d’interpresa cleras en Svizra. La decisiun n’haja da far nagut cun l’andament da las fatschentas. Davart las finanzas dal concern na fa l’interprendider en general naginas indicaziuns.
Tar l'hotel «7132» tutga er il bogn termal.
RR novitads 18:00
