Pliras vischnancas grischunas rumantschas e talianas han difficultads da chattar e survegnir persunas d'instrucziun per la scolina e la scola primara. cunzunt en l'Engiadina saja quai scart cun scolastas e scolasts rumantschs, uschia Men Gustin da la Scol'auta da pedagogia. Però er en tschellas regiuns rumantschas na dettia betg bleras magistras e magisters.
Sin input dals inspecturs porscha la Scol'auta da pedagogia perquai ina scolaziun per levgiar e sustegnair anteriuras scolastas e scolasts da returnar en scola. Ils totalmain 12 dis da curs èn repartids sin l'entir onn da scola. L'entschatta è il fanadur, cun in modul da basa da trais fin tschintg dis. Per pudair far il curs dovri almain 10 annunzias.
RR novitads 12:00