Siglir tar il cuntegn

Header

Video
Novitads dal Grischun
Or da Telesguard dals 07.10.2016.
laschar ir
cuntegn

Ulteriur Grischun Il «Capricorn» vegn tuttina realisà

Sco quai che l'AXA Winterthur scriva sajan ella e la Foppa Finanzas SA sa cunvegnidas en fairas discussiuns al project per in nov bajetg a la via da la staziun a Cuira.

Basa da la cunvegna è il project «Capricorn» da la Priora SA e dals architects Giubbini a Cuira. Il project aveva gudagnà la concurrenza, era lura dentant vegnì taxà sco mort. Motiv è che l'AXA Winterthur e la Foppa Finanzas SA che posseda il bajetg vischin en la Steinbockstrasse n'eran betg sa cunvegnidas pervi da distanzas, dretgs da parcar e cunfins.

Visualisaziun dal project «Capricorn», vest.
Legenda: Visualisaziun dal project «Capricorn», vest. mad

Uss èn questas differenzas dentant scleridas. La Foppa Finanzas SA vegn a sanar la fatschada e spazzar ses bajetg en il chantun tranter la Via da la staziun e la Steinbockstrasse. Quai durant che l'anteriur bajetg dal Globus che tutga a l'assicuranza vegn stgarpà giu e remplazzà cun il project «Capricorn». Plinavant vegnan ils dus bajetgs colliads. Sco l'assicuranza vegn era La Foppa Finanzas SA a surdar las lavurs a la Priora SA ed als architects Giubbini.En il bajetg nov vegni a dar localitads da vendita, da biro e da gastronomia sco la AXA Winterthur scriva. En las etaschas sura èn previsas abitaziuns.

La dumonda da bajegiar vegn inoltrada dad omaduas fatschentas il december 2016. Las lavurs da spazzar l'anteriur bajetg dal Globus vegnan probabel a cumenzar il matg 2017. A fin duai il project esser l'atun 2019.

RR novitads 11:00

Dapli da Grischunavrir la Landingpage

Nach links scrollen Nach rechts scrollen