La qualitad da las ivas en il Grischun crescha. Avant 20 onns sajan ins anc stà cuntent cun da quai da 80 fin 90 grads Oechsle, uss discurran ins da 98 fin 100 grads Oechsle. Quai di il viticultur da Malans Andrea Lauber. Era possian ins racoltar pli baud che avant 20 onns. La vendemia saja sa spustada dal november en l’october, gea schizunt sin fin settember.
Novas sorts da vin
Il shiraz alv e l’iva cabernet, sorts d’ivas che basegnan in clima pli chaud, vegnian en il futur a vegnir cultivada pli fitg en il Grischun Il pinot noir astgass percunter plaunet avair brajas cun il clima pli chaud.
