Siglir tar il cuntegn

Header

cuntegn

Ulteriur Grischun Il coc da Panaduz sparta las opiniuns

Panaduz crescha e dovra dapli spazi. Il coc dal vitg duai il futur vegnir bajegià pli cumpact. Quant cumpact dat da discurrer. La proposta da la vischnanca procura per resistenza.

Video
Il maletg dal vitg da Panaduz sparta las opiniuns
Or da Telesguard dals 03.10.2019.
abspielen

Bajegiar pli stretg e dapli zonas verdas

La radunanza communala decida gievgia saira davart ina revisiun parziala da la planisaziun locala ed ina nova lescha da bajegiar. La vischnanca vul tranter auter bajegiar pli cumpact il coc dal vitg, dentant cun integrar grondas zonas verdas.

Resistenza cunter plans da vischnanca

Encunter ils plans da la vischnanca è sa furmà il comité Futuro cun 300 abitantas ed abitants da Panaduz. Ils plans da Futuro: Bajegiar pli cumpact che proponì da la suprastanza, cun pli auts bajetgs e cun pli pauc spazi verd che la vischnanca propona, quai per nizzegiar meglier il spazi.

Il comité Futuro ha gia annunzià da betg vulair entrar en la fatschenta da la radunanza communala. Sch'ina maioritad da la radunanza communala fiss era da quest avis, alura avess la vischnanca da planisar da nov co il coc dal vitg vess da guardar ora.

RR actualitad 17:00