Siglir tar il cuntegn

Header

chasa communala da cuira
Legenda: Tut las partidas avessan gugent in sez en suprastanza. RTR, G. Hosang
cuntegn

Ulteriur Grischun Il cumbat per ina sutga

Las partidas da la citad da Cuira eran surstadas che Doris Caviezel-Hidber da la PS na candidescha betg pli per in'ulteriura perioda d'uffizi en la suprastanza da la citad da Cuira. L’interess da pudair ir en la suprastanza da Cuira e però grond tar tut las partidas.

Defender il sez

La Partida socialdemocrata vul defender ses sez en la suprastanza da Cuira. Ella vegn a communitgar glindesdi proxim tgi che duai remplazzar Doris Caviezel-Hidber en suprastanza

«Nus avain il dretg da questa sutga»

La Partida populara svizra PPS da Cuira aveva pretendì gia curt suenter las elecziuns naziunalas in sez en il cussegl da la citad da Cuira. Quai causa che la partida ha gudagnà vuschs. In probabel candidat fiss il president da la partida da Cuira Beath Nay.

Ina suprastanza burgaisa

Il president da la Partida burgais-democratica PBD, Christian Froidl conferma che la PBD haja interess d’in sez en la suprastanza. Per la PBD saja impurtant che la sutga va ad ina partida burgaisa.

Ina persuna cun cumpetenza

Ils Verd-liberals da Cuira avessan er gugent il sez che vegn liber ha confermà Gaudenz Bavier da la suprastanza dals Verd-liberals. Però per els saja en emprima lingia impurtant che la sutga vegnia occupada dad ina persuna cumpetenta.

La Partida cristiandemocrata PCD n’ha anc betg piglià posiziun envers RTR. Preschentà candidats n’ha anc nagina partida.

La suprastanza da Cuira

Per il mument sa cumpona la suprastanza da Cuira da Doris Caviezel-Hidber, Urs Marti e Tom Leibungut. Las elecziuns dal cussegl da la citad da Cuira èn ils 5 da zercladur 2016.

Dapli da Grischunavrir la Landingpage

Nach links scrollen Nach rechts scrollen