- Il bajetg da vendita da la Landi, il magazin ed la stizun dal tancadi èn devastads dal tuttafatg. Ils donns tras il brischament n'èn anc betg enconuschents.
- Il fieu saja sut controlla ha ditg Markus Walser, pledader da la polizia chantunala. Entrar en la ruina n'han els dentant anc betg pudì, il privel ch'il bajetg pudess dar ensemen è memia grond. Ils pumpiers èn en acziun cun radund 150 persunas.
- Il fieu saja rut ora uschè svelt ch'i na saja anc betg cler, sch'igl aveva anc persunas en l'intern da la butia. Ils collavuraturs han tuts pudì mitschar dal fieu. Dus collavuraturs hajan stuì ir en l'ospital pervi d'ina tissientada da fim supponida.
- La polizia supplitgescha la populaziun da Tusaun da laschar serrà las fanestras.
- Il tancadi d'Agrola dasper la butia da la Landi n'ha betg piglià fieu.
- Per tge motivs ch'igl ha cumenzà a brischar n'è anc betg enconuschent.
audio
Saira: Brischament a Tusaun – Otto Denoth era perditga
ord Actualitad dals 14.12.2017.
Maletg: RTR, Linus Livers
laschar ir. Durada: 1 minuta 12 Secundas.
Quai èn il mument las infurmaziuns uffizialas da la polizia davart il fieu. Nus actualisain cuntinuadamain las infurmaziuns.
Landi Tusaun
La Landi Tusaun è dapi il favrer 2011 al lieu actual. Ella ha ina surfatscha da vendita da 850 meters quadrat e terren da 700 meters quadrat al liber. Cun quai è la surfatscha quatter giadas pli gronda che al lieu avant. In tancadi dad Agrola è lura pli tard vegnì vitiers.
Avant in onn è mez avevi dà en vischinanza in grond incendi en ina scrinaria.
RR novitads 12:00