Ulteriur Grischun - Il HCD er cun sfidas sper il glatsch
Betg mo en la liga ha il club da hockey da Tavau da cumbatter er organisatoricamain datti sfidas. Uschia datti pervia da la renovaziun da la halla nagin sectur per ils fans da l'equipa da giast. Quels ston prender plaz en il sectur normal.
Tar il davos gieu da chasa dal HCD, il mardi saira, è il club da Friburg-Gottéron stà giast. Ils fans n'han dentant betg sco usità dastgà prender plaz en il sectur da fans mabain be en in sectur normal. Là nua ch'ins na dastga betg prender en bandieras ni paucas e far il «fanen» per lur club. Quai na plascha natiralmain betg a tut ils fans. Blers hajan dentant er chapientscha ch'ils stadions vegnian renovads da temp a temps.
