Jürg Domenig, che remplazza ad André Witschi, è dapi il 2014 commember dal cussegl d'administraziun da la SSTH. L'advocat è dapi numerus onns maina fatschenta da Hotelleriesuisse Grischun e dapi il 1995 è el er commember dal cussegl da scola da la scola da gastronomia grischuna.
En la communicaziun a las medias valitescha il directur da la SSTH, Michael Hartmann, a Jürg Domenig, sco um dal fatg qualifitgà, ch’enconuscha ils basegns da la hotellaria e sa er transponer quels en la scolaziun da la generaziun giuvna.
Il cussegl administrativ da la SSTH sa cumpona uss da
- Dr. iur. Jürg Domenig, president (advocat, Cuira)
- Dr. oec. publ. Ueli Schneider, vice-president (manader furmaziun hotelleriesuisse)
- Prof. Michel Rochat, commember (CEO Ecole hôtelière da Lausanne EHL)
- Andreas Züllig, commember (president da hotelleriesuisse e possessur Hotel Schweizerhof, Lai)
- Markus Brocker, delegà dal cussegl administrativ (partenari da la Euro Treuhand & Consulting (ETC), Son Gagl)
La Swiss School of Tourism and Hospitality SSTH a Passug è ina scola d’hotellaria che porscha tant scolaziun da basa sco er scolaziun spezialisada. Ella fa part da la École hôtelière de Lausanne (EHL) Group.
RR novitads 16:00