Gia dapi l’onn 2003 vegn purschì als visitaders dal Polenta Jam, sper acts musicals ord la secziun da hip hop e rap, era anc pulenta. Ed en quests 13 onns èn gia vegnids cuschinds passa 3’600 kilos pulenta per tut ils visitaders.
Ma usché bler na ston ins betg cuschinar per ina saira. Il venderdis vegn spetgà radund 300 persunas. Per quels ha il cuschinier - ch'è gia per la terza giada al festival – preparà radund 25 kilos pulenta. Per l'entir festival, pia venderdis e sonda, vegn el a cuschinar il dubel.
Sper la musica e la pulenta porscha il Polenta Jam in ulteriur highlight, numnadamein ils graffitis.
Artists cun num naziunal dissegnan lur graffitis vi da las paraids ch'èn messas dapertut sin l'entir areal da l'open air. Era l'artist da Cuira «Bane» è da la partida al Polenta Jam. El e enconuschents era sur ils cunfins svizzers.
La sonda porscha il Polenta Jam in battle da graffitis, il Bombers Battle. La po sa participar tgi che vul. Adina dus artists dissegnan il medem motiv il medem mument ed ina giuria decida tgi che gudogna.
Quest onn, vegnan tranter auter Knackeboul, Afrob, Aphroe ed Ali a sa preschentar sin la tribuna sper la gronda chazzetta da pulenta.
RR actualitad 17:00