Siglir tar il cuntegn

Header

Carolin Blume
Legenda: La nova schefmedia da l'agid a pagliolancas al Fontana Carolin Blume. MAD
cuntegn

Ulteriur Grischun Il parturir en l’ospital Fontana en novs mauns

Carolin Blume è la nova schefmedia da l'agid a pagliolancas da la clinica da dunnas Fontana. Ella succeda a Kurt Biedermann che resta en la clinica sco cussegliader senior.

Carolin Blume lavuria dapi in onn en la clinica Fontana e saja experta sin il champ da naschientschas e ginecologia, sco quai che l'Ospital chantunal communitgescha. Ella è er sa spezialisada en la diagnostica prenatala ed en la diagnostica d'ultrasun. Avant che vegnir en Svizra ha Carolin Blume lavurà en la Germania.

La clinica Fontana cun la partiziun da l’agid a pagliolancas e la partiziun prenatala dumbra mintg’onn pli che 1’000 naschientschas, sco l’Ospital chantunal scriva.

RR novitads 12:00