Siglir tar il cuntegn

Header

Nova stagiun, novas producziuns en il teater Cuira.
Legenda: Nova stagiun, novas producziuns en il teater Cuira. RTR, GIAN CARLO CANDINAS
cuntegn

Ulteriur Grischun Il teater Cuira s’occupa cun l’Europa.

Durant la stagiun 2016/2017 vegn il teater Cuira a sa fatschentar spezialmain cun la situaziun actuala en l’Europa. Fugitivs u il terror èn mo 2 chavazzins che giogan ina rolla.

Sco quai che la directura dil teater Cuera, Ute Haferburg di, saja quai temas actuals che fatschenta la glieud.

A sa fatschentar cun la situaziun actuala en l’Europa vegn uschia era il festival d'avertura «Welt in Chur» (davent dils 29 d'october).

En tut datti da vesair 90 preschentaziuns en il teater Cuira durant l’entira stagiun. Tranter auter, era ina producziun Grischuna. Per exempel il teater «Der Dorfladen». In'ovra dal reschissur rumantsch, Roman Weishaupt.

Bleras preschentaziuns dal teater giuven

11 producziuns cun 25 preschentaziuns da la Svizra e da l’entira Europa porscha il teater giuven quest onn. Sco quai che Loris Mazzocco, il manader dal teater giuven di, dettia da vesair producziuns per uffants pitschens, ma era producziuns per giuvenils. Ma, Mazzocco manegia plinavant: «Teater da uffants e giuvenils sappia era esser ina chaussa per glieud creschida».

In vast program

Il teater da Cuira porscha en mintga cas in vast program. Sper il teater classic vegn era mussà teater da saut ni teater da figuras. La stagiun da teater cumenza ils 29 d’october 2015.

RR actualitad 17:00

RTR/gcc